Even it is BAD or GOOD
because----"IT'S HAPPENED"
myriad of thoughts
జానకికి రాముడు ఏ క్షణాన తోడు లేడు....
నిన్ను నేను ఏ క్షణాన వీడి లేను.....
రామాయణం కంటే గొప్ప కావ్యం కాదా మనది!
నా ప్రియురాలి
ఆనంద భాష్పపు అంచు మీద నుంచొని
ఆకాశంకేసి చూస్తున్నాను....
నిండు జాబిలి జాడను
తనకు నీడగ చేద్దామని!
ఏటిలోని వేలవేల తామరలకు,
నీటిలోని నీలిమయ శోభితను కలిపి
నా సఖికి బహుమతిగా ఇచ్చి
నేను విడిపోతాను నాలుగు దిక్కులుగా
నా ప్రాణానికి పహారా కాయటానికి.!!!
కాలే కడుపుకు కవిత్వం ఆమడ దూరం..
ఆకలి తీరితే కాని గుర్తుకురావు అలంకారాలైనా, ఉపమానాలైనా!
అందుకే
ఆంధ్రాలో కవుల పంటలు,
తెలంగాణాలో ఇంకిపోయిన నీటి గుంటలు.
పంచభక్ష్యాలు అవసరం లేదు ..పస్తులుంచకుండా చూడు చాలు
నిద్రపోతున్న కాళోజీలు దిగ్గున లేచి కూర్చోరూ ......!
హాయ్.....
చాలా రోజుల తరువాత...ఇదిగో ఇలా!
వింటారు కదూ?
ఏం చెప్పను అబ్బా..వసంతం కూడా కాదు కదా.....
లేకపోతేనేమి ఉషోదయం ఉంది కదా,సరిపోదా?
చలిలోనైనా సరే అలా బయల్దేరితే అన్నీ నీహారికలే
లేవనంటూ తనువు ...
లేచిరమ్మంటూ, నన్నిష్టపడే నేనిష్టపడే సుప్రభాత తరుణం
రెండు ఇష్టాల మధ్య
బద్ధకం బెదిరి ,కాలు కదిలి,మనసు గెలిచి
పయనం సాగదా?చలైనా సరే
తనువు ముడుచుకుంటూ ,మనసు విచ్చుకుంటూ
ఉషోదయపు ఒడిలోని నీహారికల మధ్యలోకి ..........!!!
మల్లెల వాసన మనసుని తాకుతుంటే
పారిపోయే ఆలోచనలు ఆగిపోయి
అక్షరాలలోకి మారిపోతుంటాయి
============================
నింగి నేలపై అలిగితే
నీటి చినుకు రాలునా?
కలలు నా కళ్లపై అలిగితే
ఇక కావేరి దొరకునా?
============================
ఆపాద మస్తకం ప్రకృతినే నింపుకున్న
నా కావేరి ఉండగా
మల్లెలు ఎందుకు? వెన్నెల ఎందుకు?
లేళ్లు ఎందుకు? సెలయేళ్లు ఎందుకు?
ఏ నలుగురైనా నీకేసి
తినేసేలా చూస్తే
కానుకగా ఒక చిరు నవ్వుని నవ్వు।
చిన్నవాళ్లు ఎదిగివచ్చి
నీ ఎదురుగా నిలబడితే
మెచ్చుకోలుగా నవ్వు।
అమ్మయి అలిగి దూరంగా జరిగితే
ఆహ్వానిస్తూ నవ్వు।
వచ్చి సరసన చేరితేచిలిపి కళ్లతో నవ్వు।
చివరికి-- భాధలోనూ నువ్వు
నవ్వు భాధలేని నవ్వు।
ప్రియమైన నా...... నీకు
ఏదో చెపుదామని ఎదురుగా వస్తే మాట తడబడిపోతుంది।తియ్యని కలలు మాత్రం మదిలోనే మిగిలిపోతున్నయి.అవి ఎప్పటికి నిజమౌతాయో తెలియదు!.ఎప్పటికైనా నా ఆశలు పూలు పూస్తాయన్న ఆశ మాత్రం తగ్గటం లేదు. బహుశా ఇది నీ పరిచయ ఫ్రభావం కావచ్చు.
నిన్ను ప్రశ్నించే ధైర్యం చాలటం లేదు- ప్రేమిస్తున్నావా అని?నేను మాత్రం ఇస్తూనే ఉన్నాను ప్రేమని-మౌనంగా.కనీసం కళ్లతోనైనా స్వీకరించు మిత్రమా. ఇది రంగుల కల కాదు ప్రియా, మనసులో అలజడి. నాకు మాత్రమే వినిపించే తియ్యని సవ్వడి. ఎంత ప్రేమ- ఇస్తున్నవు? ఎందుకు ప్రేమ- ఇస్తావు? అని నన్ను నేను ప్రశ్నించుకోను. ఎందుకంటే అవి చెప్పలేని సమాదానాలు. బహుశా ఒక చిన్న స్పర్శతో అన్నింటికీ ఒకేసారి సమాదానం చెప్పగలనేమో?.ఒక్కసారి ముట్టుకోనీ మిత్రమా, నేను నా ప్రేమని-ఇస్తున్నాను అన్న భావాన్ని ఏ చెడు ఉద్దేశ్యము లేకుండా వ్యక్త పరచటానికి మాత్రమే. ఎందుకంటే మాటతో చెప్పలేని దాన్ని మౌనంగా స్పర్శతో చెప్పగలను అన్న నమ్మకంతో.
గుప్పిట్లోంచి
నీళ్లు జారిపోతున్నట్లు-
కాలం సందుల్లోంచి
ఆలోచనలు పారిపోతున్నాయి నిలకడలేకుండా!
తలా,తోకా లేనివి కొన్ని,
అర్ధం పర్ధం లేనివి కొన్ని,
స్వచ్చత లేనివి కొన్ని,
ఇష్టం లేనివి కొన్ని,
కాలం వడపోయలేక పోతుంది
అందుకే కాబోలు
వాటితోపాటు- ఆణిముత్యాల్లంటివి కూడా
బిజీ లైప్ లో ఎక్కడో తప్పిపోతున్నాయి
మేల్కోవాలి -- మౌనంగా రాసుకోవాలి
జారిపోని వీలులేని డైరీ అరలలో
నేను ఒంటరినా?.......
కాదు సుమా!!!!!........నాతో పాటు బోల్డన్ని గత స్మృతులు
ప్రస్తుత స్థ్తితులు.....నా ప్రక్కనే నా డైరీ....
అందులో.............
నన్ను ఎడిపించిన క్షణాలు, నేను ఎడిపించిన క్షణాలు ..
పుటల కొద్దీ...భావాల అలలు ....
అక్కడక్కడ కవితలు , ఎక్కడో ఒక చోట కలలు ....
నన్ను నేను ప్రేమించికుంటు ................
ఇప్పుడు చెప్పండి నేను ఒంటరినా?.....కాదు కదా ?!!